مکہ مکرمہ (آئی این پی) میامی سے تعلق رکھنے والے امریکی سیاح سٹیو نے مکہ مکرمہ میں امام کعبہ شیخ ڈاکٹر عبدالرحمنٰ السدیس سے ملاقات کر کے اسلام قبول کر لیا ہے۔ امریکی سیاح نے حلقہ بگوش اسلام ہونے کے بعد اﷲ کا شکر ادا کرتے ہوئے کہاکہ شیخ السدیس اور دیگر کا مشکور ہوں جنہوں نے مجھے اسلامی تعلیمات کا درس دیا اور میرا دل ایمان کیلئے کھول دیا۔ امام کعبہ نے امریکی شہری سٹیو سے گفتگو کرتے ہوئے پڑوسیوں کیساتھ حسن سلوک سے متعلق متعدد قرآنی آیات کا حوالہ دیا اور نبی آخر الزماں حضرت محمد مصطفیٰ صلی اﷲ علیہ وآلہ وسلم کے اسوہ حسنہ اور تحمل و بردباری کا تذکرہ کیا تو سیاح سٹیو زارو قطار روتا رہا۔ بعد ازاں شیخ السدیس نے انہیں عمرہ اور روضہ رسول ﷺ کی زیارت کا مشورہ دیا۔