لاہور(نامہ نگار)سی آئی اے کوتوالی نے 5 من اعلی کوالٹی کی چرس اور افیون برآمد کرکے 2ملزمان کو گرفتار کر لیا،ڈی ایس پی سی آئی اے کوتوالی جاوید صدیق کے مطابق ایس پی سی آئی اے لاہور عاصم افتخار کمبوہ کی ہدایت پر ڈی ایس پی سی آئی اے کوتوالی جاویدصدیق کی قیادت میں رنگ روڈ پر کاروائی کے دوران ملزمان مدثر امین اور سکندرحیات نے منشیات موبل آئیل کے ڈرموں میں چھپا کر رکھی گئی کروڑوں روپے مالیت کی 5 من چرس اور افیون برآمد کرلی دونوں ملزمان پشاور کے رہائشی ہیں، ملزمان علاقہ غیر سے منشیات لا کر تعلیمی اداروں کے اطراف فروخت کرتے تھے،سی سی پی او لاہور ذوالفقار حمید نے ملزمان کی گرفتاری پر ڈی ایس پی سی آئی اے جاوید صدیق اور دیگر ٹیم کو شاباش دی ہے۔