ملتان (سپورٹس ڈیسک) ویسٹ انڈیز کیخلاف پہلے ٹیسٹ کیلئے پاکستانی ٹیم جمیکا پہنچ گئی۔ قومی کرکٹ ٹیم اور کوچنگ سٹاف ویسٹ انڈیز کیخلاف ٹیسٹ سیریز کے پہلے میچ کیلئے جمیکا پہنچ گئی ہے، قومی سکواڈ گیانا سے براستہ بارباڈوس جمیکا پہنچا ہے۔سکواڈ میں شامل تمام ارکان کی جمیکا پہنچنے پر کوویڈ 19 ٹیسٹنگ بھی مکمل ہوگئی ، رپورٹس  آج سامنے آئیں گی۔ٹیسٹ کے نتائج منفی آنے پر قومی ٹیسٹ سکواڈ کو ٹریننگ کی اجازت مل جائے گی۔ واضح رہے کہ پاکستان اور ویسٹ انڈیز کے درمیان سیریز دو ٹیسٹ میچز پر مشتمل ہے، دونوں ملکوں کے درمیان پہلا ٹیسٹ 12 اگست سے شروع ہوگا جب کہ دوسرا ٹیسٹ 21 اگست سے کھیلا جائیگی۔