جی سی یونیورسٹی میں 2 ڈیجیٹل  ہینڈ سینیٹائزر مشینز اور 2 ہینڈ واشنگ سٹیشنز کی انسٹالیشن کی تقریب

لاہور (سٹاف رپورٹر)ہلال احمر پنجاب کی جانب سے گورنمنٹ کالج یونیورسٹی لاہور میں 2 ڈیجیٹل ہینڈ سینیٹائزر مشینز اور 2 ہینڈ واشنگ اسٹیشنز کی انسٹالیشن کی تقریب ہوئی۔ چیئرمین ہلال احمر پنجاب جسٹس ریٹائرڈ شیخ احمد فاروق، جی سی یو وائس چانسلرپروفیسر ڈاکٹر اصغر زیدی اور سیکرٹری ہلال احمر پنجاب محمد زاہد نے تقریب میں شرکت کی۔چیئرمین ہلال احمر پنجاب نے ہینڈ سینیٹائزر مشینز اور ہینڈ واشنگ سٹیشن جی سی یو وائس چانسلر کے حوالے کی۔وائس چانسلر پروفیسر ڈاکٹر اصغر زیدی کا کہنا تھا کہ ہلال احمر پنجاب اور جی سی یو لاہور کی ایک تاریخی وابستگی بھی ہے،دونوں اداروں کی ملک وقوم کیلئے گراں قدر خدمات ہیں۔