خان بیلہ (خبر نگار  )محرم الحرام کا مہینہ ہمیں صبراستقامت باہمی اتفاق اورحق پر ڈٹے رہنے کا درس دیتا ہے۔ان خیالات کا اظہار سادات یوتھ ویلفیئر خان بیلا کے سرپرست سید عاصم محمود شاہ اور صدر سید عثمان علی گیلانی نے سادات یوتھ ویلفیئر کے منعقدہ اجلاس سے خطاب کرتے ہوئے کیا۔انہوں نے کہا کہ حضرت امام حسینؓ اور شہدائے کربلا کی عظیم قربانی پوری انسانیت کیلئے مشعل راہ ہیں۔اس موقع پر سید محمد عرفان شاہ سید لقمان شاہ گیلانی سید محمدفہیم شاہ اور سید راشد لقمان شاہ نے کہا کہ ہمیں چاہیے کہ ہم سیرت امام حسین ؓ پر مکمل عمل کریں۔اجلاس میں سید زیشان حسنی بخاری سید علی فرحان حسنی بخاری سید سلطان علی گیلانی سید شاہ زیب حسنی بخاری سید حسن علی شاہ سید محمد علی شاہ سید مطیع الرحمن محمود شاہ سید مزمل شاہ سید محبوب الحسن شاہ سید ممنون زیدی و دیگر نے شرکت کی۔