الحمراء، یوم آزادی جو ش و خروش سے منایا جائےگا

لاہور(کلچرل رپورٹر) آرٹس کونسل الحمراءمیں یوم آزادی پاکستان کی تقریبا ت کو ملی جو ش و خروش سے منایا جائے گا۔ یوم آزادی کی مناسبت سے 30فٹ لمبا اور 64فٹ چوڑا سبز ہلالی پرچم آویزاں کر دیا گیا۔ایگزیکٹوڈائریکٹر الحمراءمحمد سلیم ساگر نے اس حوالے سے کہا کہ 14 اگست کا دن اہم سنگ میل کی حیثیت رکھتا ہے۔آزادی نعمت ہے، تحریک پاکستان کے شہداءکو خراج عقید ت پیش کرتے ہیں۔ الحمراء11 اگست کو آزادی شو پیش کرئے گا۔نامور گلوکار ملکو،امن علی،سارہ طاہر،حسن علی پرفارم کریں گے۔الحمراءکلچرل کمپلیکس میں 10اگست کو لائیو پینٹنگ مقابلہ کا انعقاد کیا جا رہا ہے۔ یوم آزادی کی آمد پر الحمرا کی عمارت کو سفید اور سبزروشنیوں سے بھی سجایا گیا ہے۔یوم آزادی کے موقع پر پرچم کشائی، ملی نغموں کے پروگرام،واک، نمائش ودیگر شو ز پیش کئے جائیں گے۔