شیخوپورہ (نمائندہ خصوصی) مسلم لیگ ن کے سینئر رہنماء اور ڈسٹرکٹ ہسپتال شیخوپورہ کے کوارڈینیٹر میاں امجد لطیف نے کہا ہے کہ مسلم لیگ ن نے ہمیشہ نوجوانوں اور کھلاڑیوں کی حوصلہ افزائی کی ہے پنجاب کے نوجوان ارشد ندیم نے اولمپکس میں پاکستان کیلئے گولڈ میڈل حاصل کرنے کیساتھ ساتھ نیا عالمی ریکارڈ بھی قائم کر دیا ہے پوری قوم ارشد ندیم کو مبارکباد دیتی ہے وزیراعلیٰ پنجاب مریم نواز شریف نے ارشد ندیم کیلئے 10 کروڑ روپے دینے اور میاں چنوں میں ارشد ندیم کے نام سے سپورٹس سٹی بنانے کا اعلان کر کے صحت مند سرگرمیوں کی حوصلہ افزائی کی ہے ۔ ان خیالات کا اظہار انہوں نے ملک پرویز اقبال ،میاں رفاقت علی ،میاں عرفان اسلام اورمیاں عرفان کے ہمراہ صحافیوں سے گفتگو کرتے ہوئے کیا ۔