بچیکی: ڈی پی او صاعد عزیز کی کھلی کچہری ‘سائلین کے مسائل سنے 

بچیکی(نامہ نگار) لوگوں کو انصاف ان کی دہلیز پر مہیا کرنے کے ویژن کے تحت ضلعی پولیس کے زیراہتمام بچیکی میں کھلی کچہری کا انعقاد کیا گیا جس میں ڈی پی او صاعد عزیز نے سائلین سے ان کے مسائل سنے اور انہیں موقع پر ہی حل کرنے کے احکامات جاری کئے۔ اس موقع پر ڈی ایس پی سرکل بڑاگھر سلیم حیدر شاہ‘ ایس ایچ او تھانہ بڑاگھر فیروز خاں بھٹی اور انچارج پولیس چوکی بچیکی سمیت دیگر پولیس افسرااور مقامی سماجی رہنما بھی موجود تھے ۔ اس موقع پر گفتگو کرتے ڈسٹرکٹ پولیس آفیسر صاعد عزیز نے کہا کہ لوگوں کے مسائل کا حل اور انہیں فوری انصاف کی فراہمی پنجاب حکومت کی اولین ترجیحات میں شامل ہے۔ وزیراعلیٰ اور آئی جی پنجاب لوگوں کو انصاف کی فوری فراہمی کے عمل کی خود نگرانی کرتے ہیں۔