لاہور(سپورٹس رپورٹر)پاکستان اور بنگلہ دیش کے درمیان ٹیسٹ سیریز کیلئے آئی سی سی میچ آفیشلز کا اعلان کردیا گیا۔سری لنکا کے رنجن مدوگالے آئی سی سی میچ ریفری مقرر کیے گئے ہیں جبکہ پہلے ٹیسٹ میں انگلینڈ کے رچرڈ کیٹلبرو اور جنوبی افریقہ کے ایڈرین ہولڈ سٹوک آن فیلڈ امپائر ہوں گے۔دونوں ٹیموں کے درمیان پہلا ٹیسٹ میچ 21 سے 25 اگست تک راولپنڈی میں کھیلا جائیگا۔دوسرے ٹیسٹ میچ میں ایڈرین ہولڈ سٹوک اور انگلینڈ کے مائیکل گف امپائرنگ کے فرائض انجام دیں گے۔ دوسرا ٹیسٹ میچ کراچی میں 30 اگست سے3 ستمبر تک شیڈول ہے۔