لاہور(سپورٹس رپوٹر)نیدرلینڈز نے پیرس 2024 میں سنسنی خیز فائنل میں جرمنی کو شوٹ آؤٹ میں شکست دے کر 24 سال میں مردوں کا پہلا ہاکی اولمپک گولڈ میڈل جیتا۔دونوں ٹیموںکے درمیان فائنل 60 منٹ میں 1-1 گول سے برابر رہا ۔ پنالٹی شوٹ آئوٹ پر ڈچ کیپر پیرمین نے شاندار کارکردگی کا مظاہرہ کیا ‘انہوں نے پنالٹیز روک کر ٹیم کو 3-1سے کامیابی دلادی ‘انہوںنے تین گول بچائے ۔ڈچ نے اپنا تیسرا اولمپک مینز ٹائٹل اپنے نام کیا‘ پہلی بار سڈنی 2000 ء میں جنوبی کوریا کو پنالٹیز پر شکست دیکر ٹائٹل جیتا تھا۔