گوجرانوالہ:جرائم پیشہ عناصر کیخلاف کریک ڈائون،15گرفتار، مال مسروقہ برآمد  

گوجرانوالہ(نمائندہ خصوصی)ایس پی پٹرولنگ فاروق احمد بھٹہ کی ہدایت پر ڈی ایس پیز کی زیر نگرانی جرائم پیشہ عناصر کے خلاف کریک ڈاؤن جاری ہے اسی تناظر میں پٹرولنگ پولیس ٹیموں نے جدید ٹیکنالوجی ای پولیس ایپ کے ذریعے دس اشتہاری مجرمان اور پانچ عدالتی مفرورں کو گرفتار کیا جبکہ دو چوری شدہ کاریں اور دس چوری شدہ موٹر سائیکل بھی برآمد کیے علاوہ ازیں ناجائز اسلحہ ہولڈرز کے خلاف کارروائیاں کرتے ہوئے ایک عدد جدید کلاشنکوف اور ایک عدد پسٹل نائن ایم ایم اور درجنوں گولیاں برآمد کیں جبکہ شراب فروشوں کے خلاف کارروائیاں کرتے ہوئے گیارہ لیٹر شراب برآمد کی ایس پی پٹرولنگ فاروق احمد بھٹہ کا کہنا ہے کہ جرائم پیشہ عناصر کی سرکوبی کے لیے سخت اقدامات اپناے جا رہے ہیں بلا امتیاز کاروائیاں جاری ہیں۔