لاہور ( خصوصی نامہ نگار ) سپیکر پنجاب اسمبلی ملک محمد احمد خان کی ارشد ندیم کو جیولین تھرو میں نئے اولمپک ریکارڈ کے ساتھ گولڈ میڈل جیتنے پر مبارکباد ارشد ندیم کی جیت نے پوری قوم کا سر فخر سے بلند کر دیا ہے۔سپیکر ملک محمد احمد خان سپیکر پنجاب اسمبلی ملک محمد احمد خان نے اپنے پیغام میں کہا ارشد ندیم نے قوم کو جشن آزادی کا بہترین تحفہ دیا ہے۔ پاکستانی نوجوانوں میں بے پناہ صلاحیتیں ہیں۔ ارشد ندیم نے سبز ہلالی پرچم کو بلند کر کے ایک نئی تاریخ رقم کی ہے۔ شہباز شریف ملک کے ہر نوجوان میں اسی طرح کا ٹیلنٹ دیکھنے کے خواہش مند ہیں۔ دریں اثناء پاکستان عوامی تحریک کے سیکرٹری جنرل خرم نواز گنڈاپور نے کہا ہے کہ ارشد ندیم نے اولمپک گولڈ میڈل جیت کر ایک نئی تاریخ رقم کر دی ہے۔شاندار کامیابی ارشد ندیم کی محنت اور غیر متزلزل لگن کا نتیجہ ہے۔ فائنل میں پوری قوم کی نظریں ارشد ندیم پر تھیں۔ ارشد ندیم ایک باصلاحیت اور مایہ ناز اتھلیٹ ہیں۔ اولمپکس کی تاریخ میں سب سے لمبی جیولین تھرو پھینک کرارشد ندیم نے دنیا بھر میں پاکستان کانام روشن کیا ہے۔92.97 میٹر کی تھرو نے پاکستان کو 40 سال بعد اولمپکس میں گولڈ میڈل جتوایا۔ پیرس اولمپکس میں پاکستان کیلئے تمغہ جیت کر ارشد ندیم نے پاکستانیوں کے دل جیت لئے۔