پاکستانی تاریخ میں ارشد ندیم  کا نام سنہرے حروف سے لکھا جائیگا:راجہ پرویز اشرف

لاہور(نامہ نگار)سابق سپیکر قومی اسمبلی،پی پی پی وسطی پنجاب کے صدر راجہ پرویز اشرف نے اولمپکس جیولن تھرو میں طلائی تمغہ جیتنے والے قومی ہیرو ارشد ندیم کو مبارک باد دیتے ہوئے کہا ارشد ندیم نے اولمپکس انفرادی مقابلوں میں پہلا طلائی تمغہ حاصل کرکے تاریخ رقم اور پوری پاکستانی قوم کا دنیا میں سر فخر سے بلند کر دیا ہے۔کھیلوں کی اولمپکس اور پاکستانی تاریخ میں ارشد ندیم کا نام سنہرے حروف سے لکھا جائیگا۔ محنت، لگن اور مستقل مزاجی کے باعث اولمپئن ارشد ندیم پاکستانی یوتھ کیلئے مشعل راہ بن چکے ہیں۔