لاکھوں کے ڈاکے، 3 کاریں، 7 موٹرسائیکل چوری

لاہور (نامہ نگار) چوری و ڈکیتی کی وارداتوں میں متعدد شہریوں سے لاکھوں روپے، زیورات، موبائل فون، موٹر سائیکلیں، گاڑیاں اور دیگر سامان لوٹ لیا گیا۔ ڈاکوؤں نے چوہنگ میں نصیر کے گھر اہلخانہ کو یرغمال بناکر5لاکھ 90 ہزار روپے، زیورات، موبائل فون اور دیگر سامان، ستوکتلہ میں ابرار اور اس کی فیملی سے گن پوائنٹ پر 4لاکھ 26ہزار روپے، زیورات اور موبائل فون، ماڈل ٹاؤن میں سلمان سے 30ہزار روپے اور موبائل فون، نشتر کالونی میں ایوب سے 70ہزار روپے اور موبائل فون، نصیر آباد میں علی سے 23 ہزار روپے، نواب ٹاؤن میں حنان سے گن پوائنٹ پر آئی فون اور 2 ہزار روپے، ڈیفنس بی کے علاقے میں یاسین سے گن پوائنٹ پر 15 ہزار روپے، بھاٹی گیٹ کے علاقے میں صداقت علی سے 30 ہزار روپے، موبائل فون، نیو انارکلی میں ساجد سے 12 ہزار روپے اور موبائل فون، جوہر ٹاؤن میں افضل سے 9 ہزار روپے اور موبائل فون، اسلام پورہ کے ظہیر سے موبائل فون لوٹ لیا اور فرار ہوگئے۔ چوروں نے جنوبی چھاؤنی، شاہدرہ اور فیصل ٹاؤن میں سے 3 کاریں جبکہ قائد اعظم انڈسٹریل اسٹیٹ، کاہنہ، راوی روڈ، اسلام پورہ، سندر اور لوئر مال میں سے7 موٹرسائیکلیں چوری کر لیں۔