محکمہ موسمیات نے 12 اگست تک بارشوں کی پیشگوئی کردی ہے۔
ترجمان پی ڈی ایم اےکے مطابق آئندہ 24 گھنٹوں میں لاہورسمیت پنجاب کے بیشتر اضلاع میں موسلادھاربارشوں کے امکانات ہیں،راولپنڈی107ملی میٹر،لاہور25،فیصل آباد21 اورساہیوال میں 11ملی میٹربارش ریکارڈ ہوئی۔
جڑواں شہروں میں موسلادھار بارش کی وجہ سے نالا لئی کی سطح پھر بڑھنے لگی، جس کے بعد متعلقہ اداروں اور آبادیوں کے لیے الرٹ جاری کردیا گیا ہے۔راولپنڈی کے مختلف علاقوں میں بارش کا پانی گھروں میں داخل ہوگیا۔ کئی مقامات پر گھروں میں کئی کئی فٹ پانی جمع ہوگیا۔
ڈی جی پی ڈی ایم اےعرفان علی کاٹھیا کی صوبہ بھر کے ڈپٹی کمشنرزکو الرٹ رہنےکی ہدایت کی ہے،بارشوں سے دریاؤں،ڈیمز اورندی نالوں میں پانی کی سطح میں مسلسل اضافہ ہورہا ہے،منگلا ڈیم میں پانی کی سطح 65 اور تربیلا میں 90 فیصدہوچکی ہے،بھارتی ڈیمز میں بھی پانی کی سطح میں اضافہ ریکارڈ کیا گیا ہے۔
صوبائی کنٹرول روم سمیت تمام ڈسٹرکٹ ایمرجنسی آپریشن سنٹرز کو بھی الرٹ کر دیاگیا ہے، 1122 سمیت دیگر ریسکیو ادارے مشینری سمیت الرٹ ہیں،اربن فلڈنگ کے خطرے کے پیش نظر بڑے شہروں کی انتظامیہ ہائی الرٹ ہے۔