محکمہ موسمیات کے مطابق ملک کے اکثر علاقوں میں مطلع ابرآلود ہے جبکہ بعض مقامات پر بارش اور برفباری کا سلسلہ بھی جاری ہے. آئندہ چوبیس گھنٹوں کے دوران خیبر پی کے، فاٹا، اسلام آباد، راولپنڈی، گوجرانوالہ، لاہور، سرگودھا ڈویژن، گلگت بلتستان اور کشمیر میں کہیں کہیں بارش جبکہ پہاڑوں پر برفباری کا امکان ہے. پنجاب کے میدانی علاقوں، پشاور اور سکھر ڈویژن میں رات اور صبح کے وقت دھند چھائے رہنے کی توقع ہے. آج ملک میں کم سے کم درجہ حرارت قلات میں منفی نو، کوئٹہ منفی پانچ، پاراچنار منفی تین، گوپس اور دالبندین میں منفی دو ڈگری سینٹی گریڈ ریکارڈ کیا گیا. گزشتہ چوبیس گھنٹوں کے دوران خیبر پی کے میں کہیں کہیں جبکہ کشمیر، بالائی فاٹا، لاہور، گوجرانوالہ اور کوئٹہ ڈویژن میں چند مقامات پر بارش اور پہاڑوں پر برفباری ہوئی. پنجاب کے میدانی علاقے اور سکھر ڈویژن شدید دھند کی لپیٹ میں رہے ۔