راولپنڈی(نیوزڈیسک) محمدی مسجد لالکڑتی میں میلاد النبی کانفرنس سے خطاب کرتے ہوئے ممتاز مذہبی سکالر علامہ پیر سید اظہار بخاری نے کہا خدا کی خوشی ہی مصطفی کی خوشی میں ہے ۔کیونکہ اطاعت رسول ہی سب سے بڑی عبادت ہے ۔نبی پاک کا حسین چہرہ خدا تعالی کی آئیڈیل تخلیق ہے ۔ لہذا آئیڈیل نبی پاک کا نظام ہی ہمیں آئیڈیل قوم بنا سکتا ہے ۔ دنیا کفر پر فتح حاصل کرنے کےلیے اسلحہ کے ساتھ ساتھ اطاعترسول بھی ضروری ہے ۔ مُردہ دلوں کو زندہ کرنے کےلیے سیرت رسول کا مشن زندہ کر نا ہو گاجہاں زبان و بیان کے دریا کی روانیاں تھم جاتی ہیں ۔ وہاںسے حضور کریم کی تعریف شروع ہوتی ہے ۔زندگی کو جنتی بنانے کےلیے عبادت خدا کی، اطاعت مصطفی کی ضروری ہے ۔ وہ گھر جنت کا خزینہ ہوتا ہے ، جس میں ذکر مدینہ ہوتا ہے اظہار بخاری نے کہا ہے کہ آمد رسول لاقانونیت کا دروازہ بند ہو گیا ۔ حُب رسول کی چابی سے جنت کا دروازہ کھلے گا ۔