خوبرو اداکارہ بابرہ شریف نے زندگی کی باسٹھ بہاریں دیکھ لیں

نٹ گھٹ ادائیں، دلکش سراپہ، یہ ہے اداکارہ بابرہ شریف کا مزاج، ماضی کی خوبرو اداکارہ نے ماڈلنگ سے اپنے کیرئیر کا آغاز کیا،،، انیس سو تہتر میں پاکستان ٹیلیویژن کے ڈرامہ کرن کہانی سے انہوں نے کامیابی کی پہلی سیڑھی چڑھی.
بابرہ شریف نے پاکستانی فلم انڈسٹری میں فلم انتظار سے فنی سفر کا آغاز کیا۔ فلم انتظار،بھول ،حقیقت اور شمع میں اداکاری کے جوہر دکھائے۔
فلم میرا نام ہے محبت, میں شاندار اداکاری نے بابرہ کو شہرت کی بلندیوں پر پہنچا دیا۔
بابرہ نے تئیس سال کے دوران ایک سو پچاس سے زائد فلموں میں اداکاری کے جوہر دکھائے۔ ان میں پیار کا وعدہ، منزل، تیرے بنا کیا جینا،دامن ،لاجواب،اور یہ زمانہ اور تھا شامل ہیں فلم شبانہ کے لیے بابرہ نگار ایوارڈ کی حقدار ٹہریں۔
بابرہ شریف ستر اور اسی کی دہائی کی کامیاب ترین اداکارہ مانی جاتی تھیں، انہوں نے اپنے عروج کے دوران ہی فلمی دنیا کو خیرباد کہہ دیا، نٹ کھٹ اور دلکش سراپے کی وجہ سے ان کے پرستار اب بھی انہیں نوجوان ہیروئن کے رول میں دیکھنے کے خواہشمند ہیں۔