ژوب: سکیورٹی فورسز کی مشکوک کار پر فائرنگ‘ 2 سمگلر ہلاک‘ ایک زخمی

کوئٹہ،حب (بیورو رپورٹ/نامہ نگار) کوئٹہ کے بروری روڈ پر مسلح افراد نے ٹیکسی پر فائرنگ کر دی جس کے نتیجے میں تین افراد نادر‘ عارف‘ محمد عرفان زخمی ہو گئے۔ تینوں کا تعلق ہزارہ برادری سے ہے۔ زخمیوں کو ہسپتال منتقل کر دیا گیا۔ ژوب میں پاک افغان سرحدی علاقے میں گاڑی نہ روکنے پر سکیورٹی فورسز کی فائرنگ سے دو سمگلر ہلاک‘ ایک زخمی ہو گیا۔ سکیورٹی فورسز ذرائع کے مطابق ژوب میں چورمہ ایف چیک پوسٹ پر ایف سی اہلکاروں نے مشکوک گاڑی کو رکنے کا اشارہ کیا تھا۔ حب کوسٹ گارڈز کے قریب کریکر دھماکہ دو افراد زخمی۔ کوسٹ گارڈز حب کے مین گیٹ کے نزدیک زور دار کریکر دھماکہ ہوا ، دو راہ گیر سعید احمد بلوچ اور علی دوست بلوچ ٹکڑ ے لگنے کی سے معمولی زخمی ہوگئے۔