ٹوبہ ٹیک سنگھ (اے این این) برصغیر کی ممتاز اداکارہ و گلوکارہ ملکہ ترنم نورجہاں کی 15ویں برسی 23دسمبر کو نہایت عقیدت و احترام کے ساتھ منائی جائے گی ۔ خاندانی ذرائع کے مطابق اس موقع پر مرحومہ کی روح کو ایثال ثواب کیلئے لاہور میں مجلس قرآن خوانی منعقد ہوگی بعد ازاں درجات کی بلندی کیلئے دعائیں مانگی جائیں گی اس سلسلے میں منعقد ہونے والی تقریب میں مقررین ملکہ ترنم نورجہاں کو زبردست خراج عقیدت پیش کریں گے۔ تقریب میں شوبز سے تعلق رکھنے والے افراد، عزیز و اقارب اور پرستار کثیر تعداد میں شرکت کریں گے۔ ملکہ ترنم نورجہاں نے فلموں میں بہترین اداکاری کے جوہر دکھائے اور فلم کوئل سے آپ کو شہرت ملی بعد ازاں آپ نے فلموں میں گانے بھی گائے جس سے آپ کو برصغیر میں بہت شہرت ملی 1965ء کی پاک بھارت جنگ میں آپ نے ملی نغمے گاکر پاک افواج کے خون کو گرمایا ۔آپ طویل علالت کے بعد 23دسمبر 2003کو کراچی میں انتقال کرگئی۔