سینٹورس سے شاپنگ کرکے جانیوالی فیملیز کا پیچھا کرنیوالا گرفتار

اسلام آباد ( سپیشل رپورٹ) وفاقی دارلحکومت کے معروف شاپنگ مال سینٹورس مال سے شاپنگ کرکے واپس جانے والی فیملیز کا پیچھا کرنے والے گینگ کے ایک رکن فہد بلال کو شاپنگ مال کی سیکورٹی کے عملہ نے پکڑ کر پولیس کے حوالے کر دیا۔ شاپنگ مال کے سیکورٹی حکام کے مطابق جن فیملیز کو ایک گینگ لوٹ رہا تھا اس پر نظر رکھنے کے لئے شاپنگ مال سیکورٹی نے کیمروں سے مدد لی ایک روزمشکوک شخص کو پکڑا اور لٹنے والے خاندانوں کے ارکان کو دکھایا گیا تو انہوں نے اس شخص کو پہچان لیا۔ سیکورٹی عملہ نے مذکورہ شخص کو شالیمار پولیس کے حوالے کر دیا۔ مذکورہ گینگ نے بنوں کے ایک پولیس آفیسر کی فیملی کو بھی لوٹاتھا۔