لاہورپولیس کے اہلکاروں کی ایمانداری پیسوں سے بھرا پرس  مالک تک پہنچا دیا ایس ایس پی آپریشنز کا انعام کا اعلان

لاہور(نمائندہ خصوصی)لاہور پولیس اہلکاروں نے ایمانداری کی نئی مثال قائم کر دی۔ قلعہ گجر سنگھ پولیس لائن میں تعینات پولیس اہلکاروں  عاطف مجید اور محمد عرفان نے شاہدرہ کے شہری عرفان کا لاکھوں روپے مالیت کا چیک ‘نقدی اور قیمتی کاغذات سے بھرا پرس واپس لوٹا دیا ۔ ایس ایس پی آپریشنز جمیل ظفر نے اہلکاروں کے لیے سی سی تھری سرٹیفکیٹس اور نقد انعام کا اعلان کر دیا۔تفصیلات کے مطابق شاہدرہ کے رہائشی عرفان کااسلام آبادسفر کے دوران اے نقدی ‘ چیک ‘ اے ٹی ایم اور دیگر ضروی کارڈز سے بھرا پرس اسلام آبادسے واپسی پر چکری میں رہ گیاجو پولیس اہلکارعاطف مجید اور محمد عرفان کو ملا  ۔ پولیس اہلکاروں نے شناختی کارڈ کی مدد سے شہری کو تلاش کرنا شروع کیا اورکافی تگ ودو کے بعد متعلقہ شخص کو ڈھونڈ کرشہری کی امانت اس تک پہنچا دی۔شہری نے پولیس اہلکاروں کا شکریہ اداکرتے ہوئے کہا کہ آج بھی لاہور پولیس میں ایسے ایماندار افسران موجود ہیں جو کہ محکمہ پولیس کیلئے قابل فخر ہیں ۔