اسلام آباد (وقائع نگار خصوصی) وزیراعظم عمران خان نے ایک بار پھر گلگت بلتستان کے قدرتی حسن پر مبنی خوبصورت تصاویر سوشل میڈیا پر شیئر کیں ہیں۔ سماجی رابطے کی ویب سائٹ ٹویٹر پر جاری اپنے پیغام میں وزیراعظم نے کہا کہ گلگت بلتستان کے میرے گزشتہ ٹویٹ کے بعد مجھے مزید تصاویر بھیجی گئیں۔ اس بار مجھے سکردو کے گردونواح کی تصاویر بھیجی گئی ہیں۔ چند دن پہلے بھی  بھی سماجی رابطے کی ویب سائٹ ٹویٹر پر اپنی ایک ٹویٹ میں وزیراعظم عمران خان نے گلگت بلتستان کے قدرتی حسن پر مبنی خوبصورت تصاویر شیئر کرتے ہوئے کہا تھا کہ سردیوں کی آمد سے پہلے یہ گلگت بلتستان کے رنگ ہیں، یہ زمین پر میرے پسندیدہ ترین مقامات میں سے ایک مقام ہے۔ جنت نظیر وادی، پرفضا مقام، بہتا پانی، پہاڑ اور ان پر چاندی جیسی برف، سکردو کی خوبصورتی میں اپنی مثال آپ ہے۔