شائستہ پرویزملک کی کامیابی پر جشن جاری خواتین ورکرز سے اظہار تشکر،مٹھائی تقسیم 

لاہور(نامہ نگار)حلقہ این اے 133میں لیگی امیدوار شائستہ پرویزملک کی کامیابی پر عہدیدران اور کارکنوں کاجشن جاری ہے  ۔کارکنوں اور سپورٹرز کا ڈور ٹو ڈور شکریہ ادا کیاجانے لگا۔ شائستہ پرویز ملک کی جیت کی خوشی میں ٹاؤن شپ میں نواز شریف لوورز گروپ کی بانی عظمیٰ عامر بٹ نے الیکشن میں بھرپور کردار ادا کرنے والی حلقہ کی مسلم لیگی خواتین ورکرز سے اظہار تشکر کیا اور عملی شکریہ ادا کرنے کے لیے گھر گھر جا کرملاقات کی اور مٹھائی تقسیم کی۔خواتین کارکنوں نے نواز شریف لوورز گروپ کی بانی عظمیٰ عامر بٹ کے اس اقدام کو قابل ستائش قرار دیااور کہاکہ مسلم لیگ ن سے ان کی وابستگی مزید گہری ہوگئی ہے۔