اسلام آباد (خبرنگار خصوصی) ترجمان پاک فوج نے سوار محمد حسین شہید (نشان حیدر) کو ان کے 50ویں یوم شہادت پر پاک سرزمین کے لئے ان کی گراں قدر خدمات  زبردست خراج عقیدت پیش کیا ہے۔ آئی ایس پی آر کے مطابق ترجمان پاک فوج نے سوشل میڈیا پر اپنے پیغام میں کہا کہ 1971 کی پاک بھارت جنگ کے دوران پاک فوج کے سوار محمد حسین شہید نے ظفروال، شکرگڑھ سیکٹر میں محاذ جنگ پر جرات اور بہادری کا بے مثال مظاہرہ کرتے ہوئے دشمن کے 16ٹینکوں کو تباہ کیا۔ شہید کی اس بہادری نے ثابت کیا کہ عزم و ہمت اور شجاعت کی کوئی حد نہیں۔