اوقاف‘ ٹورزم‘ لیبر کے سیکرٹریوں سمیت 10 افسر تبدیل

لاہور، ملتان(نامہ نگار+ سٹی رپورٹر) آئی جی پنجاب پولیس راؤ سردار علی خان کے احکام پر ایس پی لیگل، پولیس ٹریننگ سکول چوہنگ لاہور طارق عزیز کو اے آئی جی لیگل ایچ آر سی، سی پی او پنجاب لاہور اے آئی جی لیگل ایچ آر سی، سی پی او پنجاب لاہور سیف المرتضی کو ایس پی لیگل، پولیس ٹریننگ سکول چوہنگ لاہور تعینات کر دیا گیا ہے۔ دوسری جانب پنجاب حکومت کی جانب سے 8 افسران کے تقرروتبادلوں کے احکامات جاری کر دیئے گئے۔ سیکرٹری اوقاف پنجاب نبیل جاوید کو کمشنر سرگودھا ڈویژن تعینات کر دیا گیا۔ ممبر بورڈ آف ریونیو منصور قادر کو سیکرٹری ایم پی ڈی تعینات کر دیا گیا۔ اسد اللہ فیض کو سیکرٹری ٹوراازم پنجاب تعینات کر دیا گیا۔ سیکرٹری لیبر لیاقت چھٹہ کو کمشنر ڈی جی خان تعینات کر دیا گیا۔ ڈاکٹر محمد سہیل شہزاد کو سیکرٹری لیبر پنجاب تعینات کر دیا گیا۔ ظہیر حسین کو سپیشل سیکرٹری محکمہ ایجوکیشن پنجاب تعینات کر دیا گیا۔ عائشہ حمید کو ڈائریکٹر جنرل پاپولیشن تعینات کر دیا گیا۔ ڈاکٹر محمد افنان کو سیکرٹری محکمہ اوقاف کا اضافی چارج سونپ دیا گیا۔