محکمہ پولیس کی صفوں میں کالی بھیڑوں کونکالنا ہو گا ، تیمور خان

راولپنڈی(اپنے سٹاف رپورٹرسے)چیف ٹریفک آفیسرراولپنڈی تیمور خان نے انسداد بد عنوانی کے عالمی کے دن کے حوالے سے فورس کے نام پیغام میں کہا ہے کہ تمام افسران اپنی ڈیوٹی کو اللہ کی خوشنودی، محنت، ایمانداری اور عوام الناس کی خدمت کے جذبہ کے تحت سر انجام دیںاور اس بات کا عہد کریں کہ ہمیں اپنے امیج کو مزید بہتر بنانے کیلئے اپنی صفوں میں کالی بھیڑوں کونکالنا ہو گا کیونکہ پولیس کا مثبت امیج بہتر کارکردگی کے ساتھ ساتھ فورس سے کرپٹ لوگوں کے خاتمہ سے مشروط ہے ،کرپشن اور رشوت ستانی میں ملوث افراد کی محکمہ پولیس میں کوئی جگہ نہیں ہے دوران ڈیوٹی ہمیں محنت دیانت اور خدمت کو اپنا نصب العین بنانا ہو گافورس کے ہرفرد کو اپنی نوکری ڈیوٹی نہیں بلکہ فرض اور عبادت سمجھ کے کرنی چاہئے ۔