شمالی کوریا :دشمن ملک کی فلم دیکھنے  پر کم عمر لڑکوں کوسرعام پھانسی

پیانگ یانگ (این این آئی)شمالی کوریا میں دشمن ملک کی فلمیں اور ڈرامے دیکھنے کے الزام میں دو کم عمر لڑکوں کو عوام کے سامنے پھانسی دے دی گئی۔غیر ملکی خبر رساں ادارے کی رپورٹ کے مطابق شمالی کوریا کے صوبے ریانگ گانگ سے تعلق رکھنے والے 16 اور 17 سال کے دو نوجوان لڑکوں کو جنوبی کوریا اور امریکی ڈراموں اور فلمیں دیکھنے پر موت کے گھاٹ اتارا گیا ۔رپورٹ کے مطابق یہ واقعہ اکتوبر میں پیش آیا تھا جو رواں ہفتے منظر عام پر آیا ۔ شمالی کوریا کے حکومتی ارکان کا کہنا تھا کہ یہ لڑکے غلط کاموں میں ملوث تھے اس لیے انہیں مقامی لوگوں کے سامنے عبرت ناک سزا دی گئی۔