لاہور ( نیٹ نیوز ) عالمی فٹبال ورلڈ کپ کے اعصاب شکن کوارٹر فائنل میچ میں کروشیا نے ہاٹ فیورٹ اور پانچ بار کی چیمپئن برازیل کو شکست دے کر سیمی فائنل میں جگہ بنا لی۔قطر کے دارالحکومت دوحا میں دونوں ٹیموں کے مابین کانٹے کا مقابلہ ہوا اور دونوں ٹیموں کے درمیان میچ مقررہ وقت پر 0-0 سے برابر تھادونوں گول کرنے میں ناکام رہیں، اضافی وقت میں  میچ 1،1 سے برابر رہا جس کے بعد پینالٹی شوٹ آؤٹ پر فیصلہ ہوا۔اعصاب شکن مقابلے میں پنالٹی ککس پر کروشیا نے 2 کے مقابلے میں برازیل کو 4 گول سے  شکست دے کر فائنل فور میں جگہ بنالی۔