کراچی(اسپورٹس رپورٹر )ابرار کی عمدہ بولنگ کے باعث قومی بولر ٹوئٹر پر ٹرینڈ کر رہے ہیں، ساتھ ہی ابرار کی تعریف میں قومی کھلاڑیوں کے علاوہ سرحد پار  سے شخصیات بھی ٹوئٹس کر رہی ہیں۔آل راؤنڈر شاداب خان نے ابرار احمد کے ڈیبیو کو سراہتے ہوئے ٹوئٹ کی کہ بہترین آغاز لڑکے، کیا بائولنگ کی ہے، ماشااللہ، نظر نہ لگے۔قومی کھلاڑی محمد حارث نے ابرار کی بائولنگ کو جادو قرار دیا اور ٹوئٹ میں 5 کے بعد 10 وکٹوں کی بھی خواہش کا اظہار کیا۔دوسری جانب بھارت کے ڈومیسٹک کھلاڑی ابھینو مکھنڈ نے بھی ابرار احمد کی بائولنگ کی تعریف میں ایک ٹوئٹ کی، ابھینو مکھنڈ نے ٹوئٹ میں لکھا کہ انگلینڈ کی ٹیسٹ کرکٹ میں ٹی ٹونٹی حکمت عملی کو کاؤنٹر کرنے کیلئے پاکستان مسٹری سپنر کو لایا جو اب جادو کی طرح کام کر رہا ہے۔