کراچی (نیوز رپورٹر) کراچی پریس کلب کی ادبی کمیٹی کے زیر اہتمام ”مشاعرہ بہ یادِ محبوب خزاں“ منعقد کیا گیا جس کی صدارت اردو زبان کی ممتاز شاعرہ شاہدہ حسن جبکہ نظامت با صلاحیت نوجوان شاعر عبدالرحمان مومن نے کی جبکہ مہمان شعرا میں جرمنی سے عشرت معین سیما اور آسٹریلیا سے تہمینہ راو¿ شریک تھیں۔ علاوہ ازیں جاوید صبا، راشد نور، اختر سعیدی، خالد معین، ریحانہ روحی، ناصرہ زبیری، اے ایچ خانزادہ، عنبرین حسیب عنبر،سحرتاب رومانی ،شاہد اقبال، کشورعدیل جعفری، وجیہ ثانی،سیمان نوید، حنا امبرین طارق، یاور رضا یاور، گل افشاں اور شاہ فہد نے اپنا کلام پیش کیا۔ شعرا کے علاوہ ممتاز شاعرمحبوب خزاں (مرحوم) کہ جن کی یاد میں یہ مشاعرہ منعقد کیا گیا۔ اس موقع پر ا±ن کے بھانجوں سلیم صدیقی اور سینئر صحافی امین یوسف بہ طورِ خاص مدعو تھے۔ مشاعرے سے قبل راشد نونے محبوب خزاں کے حوالے سے گفتگو کی جبکہ خالد معین نے ا±ن کے منتخب اشعار پیش کرکے انھیں خراجِ عقیدت پیش کیا۔مشاعرے کے اختتام پر سیکریٹری ادبی کمیٹی محترم اے ایچ خانزادہ اور اراکین کمیٹی نے شاہدہ حسن صاحبہ کو کلب کی جانب سے اجرک پیش کی۔
پریس کلب مشاعرہ