خانیوال(خبر نگار)پاکستان تحریک انصاف کی رہنما ممبر پنجاب اسمبلی مسز شاہدہ احمد نے کہا کہ عمران خان امید پاکستان ہیں مستقبل تحریک انصاف کا ہے عوام کی طاقت سے عمران خان کو دوبارہ وزیر اعظم منتخب کریں گے عمران خان ہی واحد سیاسی لیڈر ہیں جو ملک و قوم کا سوچتا ہے وہ یہاں ملک کے نامور رفیع پیر تھیٹر پتلی تماشا فنکاروں کے وفد سے بات چیت کر رہی تھیں فنکاروں نے درپیش مسائل سے آگاہ کیا اور کہا کہ تمام شعبہ جات کو حکومتی سطح پر سرپرستی اور مراعات حاصل ہیں لیکن تھیٹر کے فنکاروں کو مکمل طور پر نظر انداز کیا جاتا ہے جس کے نتیجے میں نہ صرف تھیٹرختم ہو رہا بلکہ اس حوالے سے فن بھی زوال پذیر ہے انہوں نے اپنے مکمل تعاون کا یقین دلایا انہوں نے کہا کہ پتلی تماشا اور پپٹ شو کے ذریعے درپیش مسائل کو بہتر انداز سے اجاگر کرنے میں نمایاں کردار ادا کر رہا ہے۔ رفیع پیر تھیٹر کی ٹیم میں محمد لطیف، صابر سلطان، محمد امین، ارشد بشیر، عبدالرحمن، محمد خلیل، محمد نواز، عظیم، مشتاق سندھی ،آسیہ بٹ ودیگر فنکار شامل تھے۔