برطانوی جزیرے پر زوردار دھماکا، ایک شخص ہلاک، 12 لاپتہ

برطانوی جزیرے جرسی کے رہائشی علاقے میں زوردار دھماکے سے ایک شخص ہلاک جبکہ 12 افراد لاپتہ ہوگئے۔پولیس کا کہنا ہے کہ دھماکے سے لگنے والی آگ بجھا دی گئی ہے لیکن ایمرجنسی سروسز جائے وقوعہ پر کارروائیوں میں مصروف ہیں۔غیر ملکی خبر ایجنسی کے مطابق صبح 4 بجے ہونے والے دھماکے میں ایک درجن کے قریب افراد لاپتہ ہیں۔جرسی کے پولیس چیف رابن اسمتھ نے میڈیا کو بتایا کہ ایک شخص ہلاک ہوا جبکہ دو زخمیوں کو اسپتال لے جایا گیا۔ان کا کہنا تھا کہ کئی افراد ایسے ہیں جن کے بارے میں کوئی معلومات نہیں ہیں لہذا تلاش اور ریسکیو آپریشن جاری ہے۔