لیویزذرائع کے مطابق نامعلوم افراد نے گیس پائپ لائن پر دھماکا خیز مواد نصب کر رکھا تھا جس کے پھٹنے سے پائپ لائن کا تیس فٹ حصہ تباہ ہوگیا ۔ دھماکے کے بعد پائپ لائن میں آگ لگ گئی، ریسکیو ٹیموں اورفائربریگیڈ نے موقع پرپہنچ کرآگ پرقابو پا لیا ہے ۔ سوئی گیس حکام کے مطابق واقعہ کی وجہ سے ضلع جعفرآباد ، نصیرآباد ، بولان اور جھل مگسی سمیت بلوچستان کے متعدد اضلاع کو گیس کی فراہمی منقطع ہوگئی ہے ۔ لیویز اہلکاروں نے علاقے کو گھیرے میں لے کر واقعے کی تفتیش شروع کردی جبکہ نامعلوم افراد کے خلاف مقدمہ بھی درج کر لیا گیا ہے