لاہور ( کلچرل رپوررٹر )سینئراداکار جاوید شیخ شوٹنگ کے بعد کراچی واپس چلے گئے ۔ وہ ہدایتکار ندیم چیمہ کی فلم’’دہلی گیٹ‘‘کی شوٹنگ کیلئے لاہور آئے تھے ۔فلم کی شوٹنگ کا پہلا سپیل مکمل ہو چکا ہے جس کی عکسبندی فوڈسٹریٹ نزدبادشاہی مسجدمیں کی گئی ۔فلمبندی میں انکے علاوہ اداکار راشدمحمود اور خالد بٹ نے بھی حصہ لیا۔اب وہ اگلے سپیل کی شوٹنگ کیلئے دوبارہ لاہور آئیں گے۔ہدایتکار ندیم چیمہ کا کہناتھا کہ بہت جلد فلم کے دوسرے سپیل کی شوٹنگ شروع کی جائے گی ۔ان دنوں لوکیشنز کا انتخاب کیا جارہا ہے ۔فلم کی دیگر کاسٹ میں ندیم ،روما مائیکل اورسعود اہم کرداروںمیں کاسٹ کیا گیا ہے ۔