گوجرخان (آئی این پی) جی ٹی روڈ پرکار کے حادثہ میں زخمی ہوجانیوالے 2 نوجوان زندگی کی بازی ہار گئے۔ یہ حادثہ گذشتہ رات گل پیڑہ کے مقام پر پیش آیا تھا جہاں راولپنڈی کی طرف سے آنیوالی کار AA-244 برق رفتاری سے بے قابو حالت میں الٹ گئی تھی اور اس حادثہ میں اسد اور ارسلان سکنہ وارڈ نمبر 1 زخمی ہوئے تھے۔ آئی این پی کیمطابق موٹر وے ہائی ویز پولیس نے موقع پر پہنچ کر زخمیوں کو فوری طور پر دیہی مرکز صحت مندرہ بھجوایا جہاں سے فوری طبی امداد کے بعد اگرچہ دونوں زخمیوں کو آناً فاناً ہولی فیملی راولپنڈی منتقل کر دیا گیا تھا ۔