قصور: اندھے قتل کا ڈراپ سین‘ بیوی نے آشنا کیساتھ مل کر خاوند کو قتل کیا‘ ملزم گرفتار

قصور (نمائندہ نوائے وقت) گنڈاسنگھ کے علاقہ رسولنگر میں ایک سال قبل اندھے قتل کا ڈراپ سین ،بیوی نے آشنا کیساتھ ملکر خاوندغلام الرسول عرف بلال کو قتل کردیا ۔پولیس نے بلائنڈ مرڈر کے تینوں ملزموں کو ٹریس کر کے گرفتار کر لیا۔ تفصیلات کے مطابق رسول لنگرکے رہائشی نیامت علی نے 24 مارچ 2018 کو تھانہ گنڈاسنگھ والا میں مقدمہ درج کروایاکہ سائل کا بہنوئی غلام الرسول عرف بلال راج گیری کا کام کرتا ہے جو گھر سے کسی کام کے سلسلے میں گیا مگر واپس نہیں آیا۔ پولیس نے مقدمہ درج کیا اور ملزموں کی گرفتار ی کیلئے سپیشل ٹیم تشکیل دے دی۔ پولیس نے دوران تفتیش شک گزرنے پر مقتول کی بیوی کلثوم سے پوچھ گچھ کی تو اس نے انکشاف کیا کہ میرے اسد کیساتھ تعلقات تھے اور ہم شادی کرنا چاہتے تھے تو ہم نے ملکر غلام الرسول کو قتل کرنے کا منصوبہ بنایا۔ وقوعہ کے روز میں نے نشہ آور چائے پلا کر غلام الرسول کو گہری نیند سلا دیا۔ پولیس نے ملزم اسد ، صادق اور مقتول کی بیوی کلثوم بی بی کو گرفتار کرکے مزید تفتیش شروع کردی ہے۔