پنجاب بار کونسل نے وکلاء کی از سر نو ٹریننگ کا فیصلہ کر لیا

لاہور(وقائع نگار خصوصی) پنجاب بار کونسل نے ہائی کورٹ اور ڈسٹرکٹ کورٹس کے وکلاء کی ازسر نو ٹریننگ کا فیصلہ کیا ہے اس سلسلے میں پنجاب بار کونسل نے پنجاب جوڈیشل اکیڈمی کے حکام کو وکلاء کی قانونی اور اخلاقی تربیت کے لئے مراسلہ بھجوا دیا ہے۔ جوڈیشل اکیڈمی انتظامیہ کی جانب جواب ملتے ہی وکلاء کی قانونی اور اخلاقی ٹریننگ کا آغاز کر دیا جائے گا ۔