گوجرانوالہ:پتنگ بنانے والی فیکٹری پر چھاپا,5 افراد گرفتار

 گوجرانوالہ میں پتنگیں بنانے والی فیکٹری پرپولیس نے چھاپا مار کر  5 افراد کو گرفتار کرلیا جبکہ 1100سے زیادہ پتنگیں اور دھاتی ڈور کی چرخیاں قبضے میں لے لیں۔سٹی پولیس آفیسر گوجرانوالہ ڈاکٹر معین مسعود کی ہدایت پر پتنگ سازی اور پتنگ بازی کیخلاف پولیس کریک ڈائون جاری ہے۔پیپلز کالونی میں پولیس نے کارروائی کرتے ہوئے پتنگیں بنانے والی فیکٹری سے 5 ملزمان کو گرفتار کر لیا ۔پولیس نے ملزمان سے گیارہ سو سے زائد پتنگیں اور دھاتی ڈور کی چرخیاں برآمد کیں ۔ملزمان کیخلاف تھانہ پیپلز کالونی میں مقدمہ درج کر کے مزید تحقیقات کی جا رہی ہیں۔mk/nsr