ریاض(اے پی پی) سعودی عرب کے شہر العلا کے تاریخی نخلستان میں ڈیزرٹ ایکس نمائش 7 مارچ 2020 تک جاری رہے گی۔عرب ذرائع ابلاغ کے مطابق العلا رائل اتھارٹی کے تعاون سے ہونے والی یہ سعودی عرب میں عصر حاضر کی پہلی منفرد نمائش ہے۔ جس میں 14فن کاروں کے شاہکار پیش کیے جارہے ہیں۔ ڈیزرٹ ایکس جدید فن کے توسط سے صحرا کی ثقافتوں اور معاشروں کو جوڑنے کی خوبصورت کوشش ہے اور اس نمائش دیکھنے کے لئے العلا کا رخ کرنے والوں میں سعودی عرب سمیت مختلف ممالک کی شخصیات شامل ہیں۔