لاہور(سپورٹس ڈیسک)بنگلہ دیش ٹیم کے اوپنر تمیم اقبال نے کہا ہے کہ جب نسیم شاہ ہیٹ ٹرک گیند کر رہے تھے، محمود اللہ کا اس گیند پر شارٹ سلیکشن درست نہیں تھا۔ پچ بیٹنگ کیلئے کسی طور بھی پریشانی کا باعث نہیں تھی، البتہ ہم مانتے ہیں کہ ہم سے کوتاہیاں ہوئیں، جس کے سبب آج ہم مشکل صورتحال کا شکار ہیں۔ صرف تین گیندوں نے سب کچھ بدل دیا ہے۔ یہ کہنا درست نہیں ہوگا کہ بنگلہ دیش کی ٹیم کے پاس تجربہ نہیں۔میں خود محمود اللہ ‘کپتان مؤمن الحق اس ٹیم کے سینئر کرکٹرز ہیں، اصل مسئلہ ہمارے لیے مثبت اور اچھے کھیل کا آغاز کا رہا ہے۔انھوں نے تسلیم کیا کہ آئیڈیل تو یہ ہوتا کہ ہم ایک ہفتے پہلے آتے، سائیڈ میچ کھیلتے دو چار دن پریکٹس کرتے، تاہم اس دورے میں ہمیں ایسا کچھ نہیں ملا۔