انڈر 19ٹیم،کوچ اعجاز اورکپتان روحیل آج پریس کانفرس کرینگے

لاہور(اسپورٹس رپورٹر )آئی سی سی انڈر 19کرکٹ ورلڈکپ 2020میں تیسری پوزیشن حاصل کرنے والی قومی انڈر 19کرکٹ ٹیم اتوار کی رات پاکستان پہنچ گئی ۔ وطن واپسی پر قومی انڈر 19کرکٹ ٹیم کے ہیڈ کوچ اعجاز احمد اور کپتان روحیل نذیر 10 فروری بروز پیر کی سہ پہر 3:30 بجے قذافی اسٹیڈیم لاہور میں واقع فار اینڈ بلڈنگ کی دوسری منزل پر پریس کانفرس میں شرکت کریں گے۔ پی ایس ایل 5-،رچرڈ ایلنگ اور فیصل آفریدی افتتاحی میچ میں امپائرہونگے کراچی(اسپورٹس رپورٹر ) پاکستان کرکٹ بورڈ نے ایچ بی ایل پاکستان سپر لیگ 2020 کے لیے میچ آفیشلز کا اعلان کردیا۔ 20 فروری سے 22 مارچ تک جاری رہنے والے ٹورنامنٹ کے افتتاحی میچ میں رچرڈ ایلنگ ورتھ اور فیصل خان آفریدی امپائرنگ کی ذمہ داریاں ادا کریں گے۔ 34 میچز پر مشتمل ٹورنامنٹ کا افتتاحی میچ کوئٹہ گلیڈی ایٹرز اور اسلام آباد یونائیٹڈ کے مابین نیشنل اسٹیڈیم کراچی میں کھیلا جائے گا۔سری لنکا کے روشن ماہانامہ ایونٹ کے افتتاحی میچ کے ریفری جبکہ آصف یعقوب تھرڈ اور سید امتیاز اقبال فورتھ امپائر ہوں گے۔رچرڈ ایلنگ ورتھ سمیت 3 غیر ملکی امپائرز 4 مختلف شہروں کراچی، لاہور، ملتان اور راولپنڈی میں شیڈول 34 روزہ ایونٹ میں امپائرنگ کریں گے۔