سرائے سدھو(نامہ نگار) چوپڑہٹہ کے رہائشی غلام شبیر اوڈ کی معصوم بیٹی سکول سے واپس گھر جارہی تھی کہ راستے میں کھڑی دو نوسر باز خواتین نے بچی کو ورغلا کر اسکے کانوں سے سونے کی بالیاں اتار کر نقلی بالیاں پہنا کر گھر بھیج دیا اور سونے کی بالیاں سنار کے پاس بیچنے پہنچ گئیں۔ دوکانداروں کی مدد سے نوسر باز خواتیں کو پکڑ لیا اور اصلی بالیاں واپس لے کر اور آئندہ ایسی حرکت نہ کرنے کی شرط پر چھوڑ دیا۔