پشاور(بیورورپورٹ)پشاور میں بی آر ٹی بس ایک بار پھر چلتے چلتے جواب دے گئی اور بورڈ بازارکے قریب خراب ہو گئی، خرابی کے باعث مسافروں کو اتار کردوسری بس میں سوار کیا گیا اور خراب بس کوکرین کے ذریعہ چمکنی ڈپو منتقل کر دیا گیا۔بس تہکال اسٹیشن کے قریب رکی جس کے باعث ٹریک پر بسوں کی قطار لگ گئی ترجمان ٹرانس پشاور محمد عمیر کا اس بابت کہنا ہے کہ بی آرٹی بس معمولی خرابی کے باعث رکی، تکنیکی خرابی آئی تھی اور جسے ٹھیک کرنے کیلئے ٹیکنیشن کو طلب کر لیا گیا ہے ایسا پہلی مرتبہ نہیں ہوا کہ بی آر ٹی بس چلتے چلتے رک گئی ہو۔ گزشتہ برس دسمبر میں بی آر ٹی بس چلتے چلتے تہکال اسٹیشن کے قریب رک گئی تھی جس کے سبب سروس جزوی طور پر معطل ہوگئی تھی۔