مظفرگڑھ، خان گڑھ(نامہ نگار، خبر نگار)10 سالہ بچے پر مبینہ طور پر پالتو کتے چھوڑ دئیے گئے،کتوں کے حملے میں شدید زخمی ہونے والے بچے کو ہسپتال منتقل کردیا گیا ہے.تفصیلاتکے مطابق تھانہ خانگڑھ کے علاقے چاہ میاں والا موضع امن پور میں سکول جانے والے دوسری جماعت کے طالبعلم 10 سالہ عدنان پر مبینہ طور پر پالتو کتے چھوڑ دئیے گئے،پولیس کے مطابق دونوں پالتو کتوں کے حملے میں عدنان شدید زخمی ہوگیا،زخمی بچے کو ہسپتال منتقل کردیا گیا،پولیس کیمطابق واقعے کی وجوہات کے حوالے سے تفتیش کی جارہی ہے،واقعے کا مقدمہ بچے کے ماموں محمد نواز کی مدعیت میں تھانہ خانگڑھ میں درج کرکے دونوں ملزمان شفیق اور نواز کو گرفتار کرلیا گیا ہے۔