کراچی (اسپورٹس رپورٹر)پاکستان اورجنوبی افریقہ کے مابین  3 ٹی  ٹوئنٹی میچوں کی سیریز کا پہلا میچ جمعرات کوقذافی اسٹیڈیم لاہور میں کھیلا جائے گا ۔ ٹیسٹ سیریز کے اختتام پردونوں ٹیمیں اسلام آباد سے لاہور پہنچ چکی ہیں اور دونوں ٹیموں نے لاہور میں پریکٹس کا آغاز کر دیا ہے۔دونوں ٹیموں کے درمیاںآخری ٹی ٹونٹی میچ 6 فروری 2019 کو سنچورین میں کھیلاگیاجوپاکستان نے سنسنی خیز مقابلے کے بعد27رنزسے جیتا تھا۔دونوں ٹیموں کے مابین کھیلے گئے آخری تین ٹی ٹونٹی میچوں میں سے ایک میچ پاکستان نے اور دومیچ جنوبی افریقہ نے جیتے تھے۔ دونوں ٹیموں کے مابین مجموعی طور پر 2007 سے 6 فروری 2019تک14ٹی ٹونٹی میچ کھیلے گئے جن میں  سے 6 میں گرین شرٹس اور8میں پروٹیز نے کامیابی سمیٹی ۔ پاکستان کی کامیابی کا تناسب 42.85 فیصداورجنوبی افریقہ کی کامیابی کاتناسب 58.33فیصدہے۔