دینہ: کوئلے کی کان بیٹھنے سے ایک مزدور جاں بحق‘ 3 زخمی

دینہ ( نامہ نگار) دینہ کے نواحی علاقہ فور پوٹھی ٹلہ جوگیاں کے مقام پر کوئلے کی کان بیٹھنے سے ملبے تلے دب کر ایک 27 سالہ مزدور جاں بحق جبکہ 3 شدید زخمی، زخمیوں کو فوری طور پر مقامی ہسپتال منتقل کیا گیا۔ تفصیلات کے مطابق گزشتہ روز دینہ کے نواحی علاقہ تھانہ ڈومیلی کی حدود فور پوٹھی ٹلہ جوگیاں کے مقام پر اچانک کوئلے کی کان بیٹھنے سے ایک 27 سالہ مزدور غریب باچا سکنہ شانگلہ جاں بحق ہو گیا جبکہ اس کا بھائی روزی باچا اور والد سمیت 3 افراد شدید زخمی ہو گئے۔ جنہیں فو ری طور پر مقامی ہسپتال منتقل کیا گیا۔