ڈیزرٹ جیپ ریلی ‘گاڑیوں کی  فٹنس ‘ڈرائیورز کی طبی معائنہ مکمل 

رحیم یار خان،بہاولپور( بیورورپورٹ،ڈسڑکٹ رپورٹر،نیوز رپورٹر) ڈیزرٹ جیپ ریلی کے سلسلہ میں بہاولپور ڈویژن کے تینوں اضلاع میں 5روزہ تقریبات کا اہتمام کیا جا رہاہے۔ فیملی فیسٹیول میں دستکاری، فوڈ سٹریٹ سمیت دیگر دلکش اور خوبصورت پروگرام ترتیب دیئے گئے ہیں۔ ضلعی ہیڈ کواٹر پر صادق کینال اور پارک پر بھی خوبصورت انتظامات کو یقینی بنایا گیا ہے۔ ڈیزرٹ ریلی میں 135مرد اور 8خواتین ریسرز شریک ہوں گے۔ حصہ لینے والے ریسرز کی گاڑیوں کی رجسٹریشن و فٹنس اور ڈرائیور حضرات کے طبی معائنہ کا مرحلہ مکمل کر لیا گیا ہے۔ سٹاک کیٹگری میں ریسرز 231کلومیٹر کا فاصلہ طے کریں گے جبکہ پریپیئرڈ کیٹگری 500کلومیٹر طویل ٹریک پر مشتمل ہے۔