ایف بی آر نے آمدن اثاثے اخراجات چھپانے کے خلاف سخت قوانین کی تیاری شروع کر دی

لاہور (خصوصی رپورٹر) فیڈرل بورڈ آف ریونیو نے آ مدنی، اخراجات، اثاثے اور سیلز چھپانے کے خلاف سخت ترین قوانین کی تیاری شروع کر دی ہے۔ ان اقدامات کا مقصد اضافی ٹیکس کا حصول یقینی بنانا ہے۔ اس ٹاسک کے حصول کے لیے آڈٹ اینڈ مانیٹرنگ کے نئے رولز لاگو کیے جائیں گے۔ نئے قواعد کے تحت کاروبار، خرید و فروخت اور ایسٹ مینیجمنٹ میں شامل افراد سے بھی پوچھ گچھ کی جائے گی۔ ذرائع کے مطابق بنک ترسیلات، مال کی خرید و فروخت، انونٹری کی چیکنگ اور ڈیکلریشن میں غلط بیانی سامنے لانے پر پہلے سے زیادہ جرمانہ ہوگا۔ اس کے علاوہ درآمدی یا مقامی منڈی سے خریدے گئے خام مال اور مشینری پر بنی مصنوعات کی کڑی نگرانی کے لئے عملہ بھی بڑھایا جائے گا۔