ائرچیف سے سوئس سفیر کی ملاقات‘ خود انحصاری کیلئے پی اے ایف کی پیشرفت کو سراہا

اسلام آباد (خبرنگار خصوصی) سوئٹزر لینڈ کے سفیر بینیڈیکٹ ڈی سرجٹ نے سربراہ پاک فضائیہ ایئر چیف مارشل ظہیر احمد بابر سدھو سے ان کے دفتر میں ملاقات کی۔ ترجمان پاک فضائیہ کے مطابق سوئس سفیر نے پاک فضائیہ کی پیشہ ورانہ مہارت اور پی اے ایف کی طرف سے گذشتہ سالوں میں بالخصوص خود انحصاری کے میدان میں ہونے والی غیر معمولی پیشرفت کو سراہا۔ ایئر چیف نے کہا کہ دونوں ممالک کے درمیان خوشگوار تعلقات قائم ہیں۔ انہوں نے دونوں فضائی افواج کے مابین موجودہ دوطرفہ تعاون کو مزید فروغ دینے کے عزم کا اعادہ بھی کیا۔